"7. Krisia ez da soilik ekoizpenaren berezko
beherakadetatik eratortzen, baita, jakina, beste lurralde batzuetako
ekoizpenaren beherakaden ondoriozko eskari-jaitsieretatik ere. Horrek esan nahi
du lurralde bakoitzean adi egon behar dugula, ahal den neurrian, norberaren
ekoizpen-gaitasuna berreskuratzean, merkatu-beherakada baten aurrean egon ez
gaitezen, eta, ondorioz, enpresek ezin izan dezaten beren jarduera errendimendu
osoz garatu. Erronka hori egoeraren araberako erronka gisa ere hartu behar da,
baina haren eragina modu bereizian aztertu behar da sektore bakoitzean. Sektore
batzuetan gehiago luzatuko da pandemiaren zuzeneko eragina, hala nola turismoan
eta ostalaritzan, eta tratamendu berezia behar dute, jakina".